 |  |  |  |
|---|---|---|---|
 |  |  |  |
 |  |  |  |
 |  |  |  |
 |  |  |  |
 |  |  |  |
 |  |
НордАрт 2019-ОЛОН УЛСЫН ДҮРСЛЭХ УРЛАГИЙН ҮЗЭСГЭЛЭН
SPECIAL PROJECT MONGOLIA | Монгол Улсын 3 дахь павильон
01/06-13/10/2019 | Шлесвиг-Холштaйн мужийн Бюделсдорф хот
НордАрт 2019 – МОНГОЛ УЛСЫГ ТӨЛӨӨЛӨН ОРОЛЦОХ УРАН БҮТЭЭЛЧДИЙН НЭЭЛТТЭЙ СОНГОН ШАЛГАРУУЛАЛТАНД УРЬЖ БАЙНА.
Мэдээлэл болон өргөдлийн маягтыг татан авах
Үзэсгэлэнгийн виртуал 360° панорама аялал:
НордАрт 2018 ба НордАрт 2017
НордАрт 2016 ба НордАрт 2015
МЭДЭЭ
Монгол Улсын 3 дахь Павильон нь НордАрт 2019 - Олон Улсын Дүрслэх Урлагийн Үзэсгэлэнд
02/11/2018 NordArt-MongolianArt
НОРДАРТ - ЦУВРАЛААС 1:
НордАрт2016 - Урлагийн ертөнцөд зориулсан форум
- Тусгай болон үзэгчдийн албан ёсны нээлтийн ажиллагаа -
22/06/2016 NordArt-MongolianArt
III КҮНСТВЭРК КАРЛСХЮТТЕ
ОЛОН УЛСЫН ДҮРСЛЭХ УРЛАГИЙН ҮЗЭСГЭЛЭН
НордАрт | NordArt
Күнствэрк Карлсхютте нь ХБНГУ дахь cоёлыг дэмжих ашгийн төлөө бус байгууллага бөгөөд 1999 оноос хойш жил бүр NordArt олон улсын дүрслэх урлагийн үзэсгэлэнг зохион байгуулдаг.
NordArt нь шүүгчдийн сонгон шалгаруулaлттaй, дүрслэх урлагийн бүх төрөл, хэв маягийг агуулcан ба Европ дахь орчин үеийн урлагийн хамгийн том үзэсгэлэнгийн нэгт тооцогддог.
NordArt 2018-т 105 орны 3.000 гаруй уран бүтээлчид oролцох хүсэлт гаргаснаас сонгогдсон нийт 55 орны 200 уран бүтээлчдийн бүтээлүүдийг ерөнхий куратор Вольфганг Грамм, Ко-куратор Инга Аругийн хамт Карлсхютте-н түүхэн төмөр цутгамалын үйлдвэрийн барилгын орон зай болох 22.000 m2 үзэсгэлэнгийн талбайд болон 80.000m2 цэцэрлэгт хүрээлэнд маш гайхалтай хослуулан дэглэж өөрийн гэсэн өвөрмөц төрхтэй урлагийн ертөнцийг 100.000 үзэгчдэд толилуулна.
Хаяг: Am Ahlmannkai, 24782 Büdelsdorf, Germany
NordArt хаяг: Vorwerksallee, 24782 Büdelsdorf, Germany
NordArt -ын тухай дэлгэрэнгүй мэдээлэл www.nordart.de
OPEN CALL FOR MONGOLIAN ARTISTS
НордАрт 2019 – ОЛОН УЛСЫН ДҮРСЛЭХ УРЛАГИЙН ҮЗЭСГЭЛЭНД МОНГОЛ УЛСЫГ ТӨЛӨӨЛӨН ОРОЛЦОХ УРАН БҮТЭЭЛЧДИЙН НЭЭЛТТЭЙ СОНГОН ШАЛГАРУУЛАЛТАНД УРЬЖ БАЙНА
Өргөдөл хүлээн авах эцсийн хугацаа:
2018 оны 12-р сарын 15-ний өдөр (23:59 цаг)
ХБНГУ-ын Шлесвиг-Холштaйн мужийн Бюделсдорф хотноо жил бүр зохион байгуулагддаг "НордАрт–Олон Улсын Дүрслэх Урлагийн Үзэсгэлэн"-д 2019 оны 6 дугаар сарын 01-нээс 10 дугаар сарын 13-ны хооронд Монгол Улсын 3 дахь удаагийн павильон SPECIAL PROJECT MONGOLIA хүрээнд зохион байгуулагдана.
Монгол Улс, ХБНГУ-ын хооронд дипломат харилцаа үүссэний 40 жилийн ойн үеэр гараагаа эхэлсэн энэхүү түншлэл нь 2 улсын дипломат харилцааны 45 жилийн ой тохиох 2019 онд Монгол Улстай хамтын ажиллагааныхаа 5 жилийн ойгоо тэмдэглэхээр бэлтгэж байна. Монгол Улс нь 2015 оноос эхлэн хамтын ажиллагааны хүрээнд тасралтгүй оролцож, “Монгол Уран бүтээл”, үе үеийн “Монгол Уран Бүтээлчдийн” чадварлаг төлөөллүүд болон Монголын дүрслэх урлагийн салбарын онцлог хөгжлийг амжилттайгаар мэргэжлийн өндөр түвшинд таниулан тогтвортой сурталчилж ирсэн уламжлалтай. 2015 онд Монгол Улс нь “ОНЦЛОХ ОРОН”-оор “Модерн шилжилт–Шинэ дүр төрх” сэдэвт Монгол Улсын павильондоо нийт 33 уран бүтээлчийн 120 гаруй уран бүтээл, 2016 онд “Уламжлал ба Орчин үе” сэдэвт Монгол Улсын 2 дахь павильонд 17 уран бүтээлчийн 50 гаруй уран бүтээл, НордАрт 2017-д 1 уран бүтээлч, НордАрт2018-д 3 уран бүтээлч тус тус Монгол Улсаа төлөөлөн оролцож жил бүр хүрэлцэн ирсэн 100 мянга хүртэлх Европын урлаг сонирхогч-үзэгчид, мэргэжилтнүүдийн анхаарлыг ихээр татсан юм. Монгол Улсын уран бүтээлч, барималч А.Очирболд нь “Дэлхийд хүн жин нэмээгүй” 5 метр өндөр бүтээлээрээ 2015 онд үзэгчдийн шагналыг хүртэж уран бүтээлчийн олон улсын гараагаа амжилттай эхэлсэн юм.
Күнствэрк Карлсхютте | Kunstwerk Carlshütte| нь олон улсын “ACO“ групп, Бюделсдорф |Büdelsdorf| болон Рэндсбург |Rendsburg| хотын санаачилгаар байгуулагдсан cоёл урлагийг дэмжих ашгийн төлөө бус байгууллага бөгөөд энэхүү байгууллага нь ХБНГУ-ын Бюделсдорф хотноо 1999 оноос хойш жил бүр “NordArt – International Art Exhibition”- г зохион байгуулдаг уламжлалтай. “НордАрт” нь шүүгчдийн сонгон шалгаруулaлттaй, дүрслэх урлагийн бүх төрөл, хэв маягийг агуулcан бөгөөд Европ дахь орчин үе, нэн орчин үеийн урлагийн жил бүр зохион байгуулагддаг хамгийн томд тооцогдох үзэсгэлэн юм. "НордАрт2018–Олон Улсын Дүрслэх Урлагийн Үзэсгэлэн"–д 105 орны 3000 гаруй уран бүтээлчид oролцох хүсэлт гаргаснаас нийт 200 гаруй олон улсын уран бүтээлчдийн бүтээлүүдийг 22’000 m2 үзэсгэлэнгийн талбай бүхий 80’000 m2 цэцэрлэгт хүрээлэнд 100 мянган үзэгчдэд толилуулсан. ...
Дэлгэрэнгүй мэдээллийг эндээс дарж авна уу. /өргөдлийн маягт/
